1粒、2粒、3粒、4粒… 細細粒，容易食。 眨眨眼，一碗水餃10幾粒，全部KO！ 一口一粒當然過癮，但10粒水餃熱量已等同1.5個巨無霸！ 其實只要識得揀，水餃都唔使逐粒逐粒計住食。Text/Sally
水餃致肥陷阱水餃有菜、有肉、有澱粉質，看似「營養均衡」，其實就係肥到失魂。資深營養師李龍家麒話，水餃熱量、脂肪及鈉其實唔低，製作過程中，食品商會加入大量調味料，鈉質同油份甚高，有D牌子嘅豬肉水餃為求好味，加入肥豬肉，脂肪量立時急升！一包10粒的水餃有約350個卡路里不等，相等於 3茶匙或 1 湯匙油，而且有多達400毫克鈉質，長期進食鈉質過高的食物，容易攝取過多鹽分導致水腫，影響血壓水平。
食事大比併小編在超市搜羅了5款人氣水餃，經比較後發現，鳳城水餃有最多脂肪同鈉質，極為邪惡。世界衛生組織建議，成人每天鈉質攝取量為2,000毫克，若一餐食8隻鳳城水餃，已達每天鈉質可攝取量八成，當然唔少得，仲有15克脂肪，已多於3茶匙油。食一餐水餃，幾乎打爆你全日quota!
水餃餡料點揀好？要揀水餃，以鮮蝦和雞肉作餡料相對較健康，100克中，通常只有3-4克脂肪！ 以每10粒水餃計數，健康水餃要有符合以下3大條件：熱量：300 卡路里脂肪：3.5克（少於1茶匙油）鈉質：300 毫克
水餃點食先最健康？1.水餃以熱水滾熟堅持不加油，不煎炸。2.味精粉減半助減鈉部分包裝附味粉作湯底，鈉質含量較高，建議只落半包。3.每星期不建議進食多於一次快熟水餃，否則容易高脂高鈉。4.最好自製水餃，肉揀瘦肉，再加入蔬菜做餡料，例如冬菇、西芹、白菜及馬蹄等，減低熱量。
延伸閱讀
