昨日Cherry前來覆磅講起砵仔糕，說得興高采烈地︰「附近的砵仔糕店好似幾受歡迎，而且款式多，除了最傳統的黃糖及白糖紅豆砵仔糕之外，仲有新口味既芝麻味、芒果味、綠茶味同哈蜜瓜味添！」
我回應︰「聽起來真的非常吸引，與其他煎炸既街邊小食比較，砵仔糕的確看似比較健康，皆因脂肪不夕高，但其實普通一個黃糖紅豆砵仔糕已約有260千卡，大概相等於一碗飯的熱量。砵仔糕歷史悠久，從前的砵仔糕通常都是糕粉加黃糖製造，有的是用砂糖，有的是用冰糖，還有的是用蔗糖製造，另外還會在製作過中添加了高脂的椰漿，所以別輕看這個小小的砵仔糕。」
聽後Cherry面色一沉，我續說︰「其實減肥的你，砵仔糕不是不可吃，只要是偶然也無妨，在眾多款式中，我建議你食芝麻味及綠茶味的紅豆砵仔糕，因為芝麻含有豐富的維他命B、E、鎂、鉀及多種微量礦物質。而黑芝麻的鈣及鐵質含量遠高於白芝麻，有補血補骨之用，同時也含較多的纖維添。另外綠茶含有兒茶素及茶多酚，已知兒茶素具天然的抗氧化作用，還能夠降低血中膽固醇，同改善脂質代謝。相反芒果及哈蜜瓜同是屬於高糖份的水果，若加入製成砵仔糕的話，糖份當然會馬上升LEVEL啦。」
Cherry微笑著說︰「我見完你之後就去買個綠茶口味試試先！」
圖片來源：維基百科
延伸閱讀
立即成為會員
