藝人林子博與一對子女已移民英國，在上周五（21日）於社交網張貼當年與太太董燕君（Shirley）的合照，並公開發文表示：「自從妳離世之後，當我得閒睇番妳啲相嗰陣，我先發現原來妳真係好靚！我原來娶咗件筍嘢都唔知！」縱然愛妻離開已有兩年，林子博對太太思念之情，卻未因時間而沖淡。
他回想過去夫妻間相處點滴。「講真，妳喺我身邊嘅時候，我一直都唔覺得妳係一個靚女，甚至我曾經喺妳面前同妳講過：喂！你知唔知啲製作公司點解咁鍾意搵你拍廣告呀？係因為妳個樣呢～真係普通到冇得再普通！搵你拍廣告係最有說服力㗎！當年睇住妳俾我呢番『似彈又似讚』嘅說話激到扎扎跳！我又真係有啲暗爽嘅！」「我而家先發現妳嘅靚，除咗嚟自五官之外，妳仲散發出一種矜持、賢淑、慈母嗰種東方美人嘅氣質！原來人真係咁鬼衰個喎！明明有件極品喺身邊，咁多年都留意唔到咁奇怪嘅？所以有伴侶嘅，真係得閒叫另一半唔好郁，定落嚟俾自己睇真啲！用10分鐘時間互相對望清楚！最後你一定會發現，原來幸福一直喺自己身邊，只係自己一直將呢種幸福，變得理所當然……」「講真！老婆～妳真係堅索！越睇越靚！」
林子博與太太Shirley結婚17年，育有一對寶貝仔女，豈料2019年初，Shirley發現患上平滑肌肉瘤（腹腔），且是第四期，而此病在港屬罕見。堅強的Shirley勇敢對抗癌魔，一直接受化療及鏢靶治療，惟病情反覆，身體情況自2020年八月起更出現急劇惡化，腫瘤不斷脹大，而癌細胞四處擴散。林子博稱太太當時行動只能靠輪椅外，後來更連進食都出現嚴重困難，使夫妻二人感到非常徬徨和擔心。
後來，林子博在網上發文呼籲有心人捐款支持，希望藉此籌集醫藥費，讓太太能嘗試較新的「免疫細胞治療」。他寫道：「由於香港的公營醫療機構沒有涵蓋這種治療，而這種治療的費用亦相當高昂，坦白說，以我現在的經濟狀況，根本沒辦法為Shirley付擔這費用，但既然這是太太的意願，她也明言不想放棄，更捨不得孩子……所以，我們夫妻二人商量過後，在任何方法都想嘗試的情況下，我們希望得到大家的支持。」亦幸獲有心人捐款支持醫藥費，Shirley隨後開始接受「幹細胞治療」，惟最終在2020年10月21日不敵癌魔離世。
Text：Fion圖片來源（部分）：林子博
延伸閱讀
