＃食事是非：超酸檸檬糖提神真係work？
那些年返學恰眼瞓，都會使出醒神秘密武器：超酸檸檬糖，瞬間即可精神百倍！
萬試萬靈的超酸檸檬糖的酸味，可以刺激感覺神經，短時間達提神效果；而恰眼瞓的原因若是血糖低或能量不足，食糖更可以直接提供葡萄糖給細胞補充能量，所以亦會令人即時精神一振。
不過，資深營養師黃榮俊指出，食糖不如食水果，例如果糖豐富的提子、芒果、西瓜、梨和蜜瓜等，同樣可以解決因血糖低的恰眼瞓問題，但要注意食用份量，每次只可食一至兩份水果，過量攝取反而會使身體分泌大量胰島素，過份降低血糖水平，會適得其反，一樣會覺累、變眼瞓。
一份水果份量
橙：約1個
提子（大）：約6粒
芒果：約1/3個
西瓜：約1杯
梨：約1/2個
Text/Kio
2290次閱讀
