「自殘軸」Foam Roller
運動員們都好變態，譬如田徑，好多都跑到嘔晒，見到田徑場都驚咁濟，但又會跑好多年喎；長跑／跑山人，每次跑完個大賽，成日都話冇下次，但下次又見到佢喺隔離喎；爬石人爬到成牆血，都仲係爬緊；球類更加唔使講，撞到腦震盪，手斷腳斷，都仲係會死返嚟。而呢好幾年，就再興多股怪風──勁多運動員都會有碌「自殘軸」Foam Roller隨身。
自我肌筋膜放鬆（Self-myofascial Release, SMR）
講嘅咪係泡沬軸（Foam Roller）同埋佢啲週邊產品囉。其實呢碌野，近年好多非運動員都趨之若鶩，講到有病醫病，冇病強身咁。我哋集中講返運動人，喺科學角度上，泡沬軸係十分好。佢其實係一種「自我肌筋膜放鬆（Self-myofascial Release, SMR）」，其中myofascia，就係包著肌肉嘅一層膜。
一個比喻就係，好似香腸層外皮咁……呢樣野係有彈性，但遠遠少過肌肉本身；而且肌肉，會成日因訓練而撕裂，然後再修補，慢慢就會形成「結核（Nodules） 」；或者肌肉同筋膜之間，會因為疤痕而「黐」住。以上嘅情況都會直接或間接影響運動表現，因為：
1. 肌肉伸延性受阻，增加被動阻力（Passive Resistance）2. 下降伸延性，導致關節主動及被動活動幅度減少3. 被動阻力增加，增加某啲運動傷害風險4. 過多結核，長遠會變成壓痛點（Trigger Points）5. 由於肌肉缺乏伸延性，會間接影響血液循環及恢復按下一張圖片，睇睇泡沫軸嘅功用！
7114次閱讀
