新的一年, 當然希望身邊親友身體健康, 但玩咗幾日, 加上天氣時冷時熱, 好多朋友傷風感冒, 而且成個12月咁多節日, 我今日見客, 幾乎個個都肥咗番嚟.想食啲又唔肥又有營養嘅食物, 今次連續三期介紹10大超級食物 (10 Super Foods).
連小朋友都知: 每日一蘋果, 醫生遠離我. 全世界有超過7500不同品種的蘋果, 它們的果肉含有多種抗氧化成份, 包括維他命C; 而果皮則含果膠, 有豐富水溶性纖維.另外, 蘋果屬低升糖指數 (LOW GI) 食物, 有助控制食慾及胰島素分泌.所以, 蘋果最緊要擦乾淨, 然後連皮吃呀.
以前在英國讀書, 當地人最愛吃的罐頭是茄汁焗豆, 貪其方便又經濟, 而且營養豐富: 既有蛋白質, 纖維, 鐵質, 鈣質, 及碳水化合物, 就算開一罐單吃亦很飽.而茄汁焗豆的茄汁亦含抗氧化成份茄紅素, 不過太便宜的牌子可能會有較多的潻加劑. 不妨試試HEINZ (亨氏), 標榜不含防腐劑, 色素及香料, 家父長期入貨.圖片來源：維基百科
大家都可能有聽過深綠色蔬菜好有營養, 當中以西蘭花為表表者, 特別是維他命及礦物質含量, 包括維他命A, C, K, 及維他命B群, 胡蘿蔔素, 鈣、磷、鐵、鉀、鋅、錳等.亦有很多研究顯示, 西蘭花具有很強防治癌症的功效, 特別是乳癌及腸癌. 不過想西蘭花又熟又爽口, 就一定要猛火快煮熟後過冷河, 既可保持翠綠色, 亦可儘量保存其營養價值.(待續…)
延伸閱讀
