東京成日都有平機票，唔去真係對唔住自己。為食一族來到東京不只可以瘋狂掃Shopping，還可以食盡當地潮爆美食。小編精選了6款東京至Hit美食，例如龍蝦包、雪糕蜜瓜包、免治牛肉ball等，等大家潮食東京，不過營養師表示，當中有許多暴肥陷阱。Text/Kio
估唔到咁肥！日本人咁瘦，去到日本狂食應該無問題吧！太天真了，營養師陳筠霖（Krista）表示很多看似低脂低卡的選擇，其實都暗藏致肥陷阱。蘋果批用水果製作看似健康，但酥皮是麵團加牛油疊上十多層而成，口感愈鬆化則含有愈多飽和脂肪和膽固醇，加上以蛋、奶製成的吉士忌廉，估計一件蘋果批含有500卡路里，相當於一般成年人一份正餐的熱量攝取，用來做小食，甚至食幾件，唔肥先奇怪。龍蝦包也是，本來蟹、蝦是低卡和高蛋白質的食物，但製作方法則令它成為肥食。在熱狗包塗上牛油烤焗，加上以蛋黃醬及檸檬牛油調味，而1湯匙的牛油或蛋黃醬已有100卡路里，所以一個包亦可能含有500卡路里，不宜當小食。
若大家不怕肥，或是跟足「有得食又唔使肥TIPS」，就可挑戰以下6大東京Hit 爆美食。1.龍蝦包來自紐約的人氣龍蝦包，用了一整隻波士頓龍蝦，每日拆肉即製，啖淡肉，而且肉質鮮味、彈牙，令人一試愛上。Luke’s Lobster地址：東京都渋谷区神宮前6丁目7−1網址：http://lukeslobster.jp圖片來源：官方網站
2.人氣蘋果批排隊60分鐘先食到蘋果批，值唔值得就見人見志，不過有許多人食完都想食完都想encore兼打包帶走就係事實。蘋果批內，粒粒果肉都清甜爽口，配上鬆脆的批皮焗至半熟，再加入新鮮打成的吉士忌廉再焗，難怪人氣爆登。RINGO 地址：東京都豊島區南池袋1-28-2 JR池袋駅1F網址：http://ringo-applepie.com圖片來源：Instagram @ringoapplepie
3.現烤雪糕蜜瓜包在電視節目《東京攻略》中，杜如風介紹的雪糕蜜瓜包，用脆卜卜、熱辣辣的包夾住冰凍的雪糕，又凍又熱，吃起來超過癮，而且每日限量20個，手快有手慢無。世界第二好吃地址：東京都渋谷区神南1-15-9 岩瀬ビル1F 圖片來源：Instagram @iove831002
4.大盛海鮮丼港幣60蚊唔駛就可以食到新鮮嘅海鮮丼大盛？唔呃你，而且海鮮丼有金槍魚、三文魚、章魚等多種魚生，仲有烤魚，炸物等，份量多得誇張。不過，每日限定15份，只會在午餐時間供應，同樣手快有手慢無。五輪鮨 地址:東京都品川区西五反田2-7-8 誠実ビル8Ｆ圖片來源：mondbar.blog.fc2.com
5.原條粟米軟雪糕來自紐約的「Dominique Ansel」曾榮獲世界麵包名店25選之一，去年在渋谷表參道設立日本第一間分店。不過，這間麵包店最吸晴的不是麵包，而是不時推出的限定口味軟雪糕，今個夏天就有原條牛油燒粟米配焦糖粟米味軟雪糕。五輪鮨 地址：東京都渋谷区神宮前5-7-14 網址：dominiqueanseljapan.com圖片來源：Instagram @dabjapan
6.免治牛肉Ball愛去東京的朋友都愛逛吉祥寺；愛去吉祥寺的朋友都愛炸牛肉球！牛肉球外層是鬆脆的炸漿，包住爆汁的免治牛肉，實在令人一試上癮。SATOU地址：東京都武藏野市吉祥寺本町1-1-8網址: http://www.shop-satou.com圖片來源：Instagram @anna_hyunju
延伸閱讀
