主頁 >  專家解碼 >  全日英式早餐|All Day Breakfast暗藏熱量陷阱 營養師教你3招慳500卡路里

全日英式早餐|All Day Breakfast暗藏熱量陷阱 營養師教你3招慳500卡路里

歎All Day Breakfast 3招慳500卡路里

好多香港人都鍾意星期日去嘆返個brunch,睇本好書,又或者同朋友傾計。不過有好多早餐的熱量都非常之高,以一份All Day Breakfast為例,主要用料包括:2德國香腸、1煙肉、1炒蛋、3湯匙焗豆、1片煙三文魚、半碗蘑菇、1片薯餅和1片牛油多士,熱量已經可以高至1400卡,需要跑至少3個小時才可以抵銷這份熱量。

想健康啲,可以考慮以下3個小改變:

健康版All day breakfast|貼士1:多士「走牛油」

兩茶匙牛油已提供72kcal,相等於大半片麥包熱量!

健康版All day breakfast|貼士2:轉水波蛋

炒蛋會用上大量的牛油或忌廉,愈滑愈多油呢!兩隻炒蛋已提供200-300kcal,多於一碗飯的熱量。如果轉食流心水波蛋,兩隻只有約120kcal。

加工肉類產品

健康版All day breakfast|貼士3:煙肉走脂肪,腸仔食一半

腸仔煙肉不單止致肥,仲要致癌添!每日食多50克精製肉類(約1條腸仔),患上大腸癌的風險便高18%! 若要消耗兩條腸仔和一片煙肉熱量,便要緩步跑至少1小時!

如果做足以上步驟,全份早餐約可減少400至500kcal。不過始終熱量都依然比較高,已經相等於早餐加午餐的熱量,所以大家要記住將全日其他正餐的份量減少,並要食得比較清淡和健康!

若果想食得更「有營」,可以考慮Egg Benedict,並將荷蘭醬另上。每一份只有大約400卡。大家可以自己加約兩至三茶匙荷蘭醬,記住唔好加得太多,因為荷蘭醬是由蛋黃、牛油和醋攪拌而成,所以一小茶匙已有大約22卡路里!不過荷蘭醬可以說是這道菜式的靈魂,加少少都無妨。

Gloria_Tse歎All Day Breakfast 3招慳500卡路里Gloria_Tse歎All Day Breakfast 3招慳500卡路里Gloria_Tse歎All Day Breakfast 3招慳500卡路里

對我而言,世界上沒有食物是完全不可以吃,最緊要是控制分量!少少荷蘭醬再配上流心蛋和煙三文魚,簡直一絕!這樣的Sunday Brunch 又健康又好味,其實食得「有營」都可以好豐富!

 


📣📣📣 如你也想成為《專家解碼》的一分子,與healthyD讀者分享健康心得,或是有志於推廣公共健康教育的醫生或醫護界專業人士,歡迎電郵至healthyD@esdlife.com與編輯部聯絡。

10914次閱讀
Loading
icon_facebook icon_whatsapp icon_line icon_mail icon_print