主頁 >  生活百科 >  抗癌7年|去年再確診急性白血病 港排球女將劉韵琳完成骨髓移植 日前順利出院回家

抗癌7年|去年再確診急性白血病 港排球女將劉韵琳完成骨髓移植 日前順利出院回家

Fion
Fion
編輯
2022-03-25 12:34:22
劉韵琳 血癌

香港前甲組女子排球員劉韵琳(Harriet)勇敢對抗癌魔多年,去年不幸地再患急性白血病,當時急覓有心人,希望尋得適合骨髓進行移植。約7個月過去,如今傳來好消息,Harriet已完成骨髓移植,並且可出院回家休養。

Harriet近日在IG寫說「我已經完成骨髓移植啦」

Harriet近日在IG寫說「我已經完成骨髓移植啦」,提到去年8月,「對於突然病情惡化,然後知道家人無全吻合骨髓可以同我配對到我實在很焦急,好快就出post希望大家捐贈骨髓。最後得到好多人的鼓勵和支持,仲有好多坐言起行嘅有心人士立即去登記!我真心好感激你地,當下無論有無配對成功,呢份心意絕對係抗癌路上打咗支強心針!」

「慶幸嘅係,真係有奇蹟發生,真係有適合嘅捐贈者!而且足足有四個咁多!當然有分佈不同地區的人,而香港佔了一席位!當下我有幾興奮和感動或許文字表達唔到,但我很想多謝你地每一位,因為真係可能你就係我嘅幸運兒,非常感謝!」

她續說,醫生決定用細佬一半吻合的骨髓跟她進行 ——「半相合造血幹細胞移植」,原因是「認為雖則得一半吻合,但始終有血緣關係,排斥機會同非血緣全吻合的捐贈者差唔多,可能更少,所以最後選用了家人的。而呢項技術已經係香港用左好幾年,但之前因為我對呢個病嘅治療方法未係全部都好清楚,所以我以為全吻合骨髓先合適使用。直至上年11月初先知將會做『半相合』,後尾誤打誤撞俾我發現有合適的非血緣捐贈者四個咁多」。

提到造血幹細胞移植過程經歷40天,當中發生過小插曲,讓她「一額汗」,幸好日前順利出院,比預計8周還要快,非常感恩,然而「雖然可以出院,但仍然可能會出現排斥或感染,翻屋企都係留係間房活動/自閉,所以遲下再好d先同大家分享有關幹細胞移植嘅事啦。」

港排球女將劉韵琳抗癌6年

去年7月病情突然惡化

據了解,Harriet約7年前被診斷患有慢性骨髓性白血病(CML),一直標靶藥控制病情,惟至去年7月底,病情突然惡化,進行檢查後確診急性骨髓性白血病(AML)。她引述醫生指,「原來慢性一直都控制得好好,依家係CML+AML同時出現,醫生解釋係多左某幾組基因突變。」

其後Harriet公開呼籲善心人登記成為骨髓捐贈者,盼尋得合適骨髓移植救命。

1061次閱讀
Loading
icon_facebook icon_whatsapp icon_line icon_mail icon_print