牛奶脂肪陷阱 | 營養師:北海道3.6牛乳的脂肪不是3.6%!這數字有甚麼秘密?
![牛奶脂肪陷阱 | 營養師:北海道3.6牛乳的脂肪不是3.6%!這數字有甚麼秘密?](https://www.healthyd.com/uploads/media/2021/03/3.6-milk-cover-768x512.jpg)
大家一路都覺得北海道3.6牛乳脂肪就係3.6%,但睇睇營養標籤,原來唔係㗎!佢真正脂肪比例係4.2%!
咦!再睇真啲,原來好多無標榜脂肪含量嘅牛乳,脂肪比例都有3.6架!
例如綠田園全脂奶,佢脂肪比例就已經係3.6%。
牛奶公司鮮牛奶,脂肪比例一樣係3.6%。
咁點解北海道3.6牛乳又叫3.6呢? 睇真啲佢細細隻嘅字,原來話脂肪比例最少有3.6%咁解。
一般嚟講,牛乳脂肪比例越高味道越濃,既然其他鮮奶脂肪都有3.6%,3.6%嘅味道已經滿足唔到一啲追求濃味嘅食家。
我自己親眼見過有一間寫明用「北海道3.6牛乳」做甜品嘅鋪頭,喺製作過程之中除咗3.6牛乳之外,仲落咗大量嘅花奶,可以話花奶仲多過「北海道3.6牛乳」。當大家以為只係享受緊3.6%脂肪嘅時候,其實脂肪可能已經去到 6 - 7%。所以話,唔知食物嘅製造過程,真係變肥咗都唔知點解。
38134次閱讀